Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

हुक्का साहित्याच्या गोदामावर कारवाई

Array


म. टा. प्रतिनिधी, पुणे

कोंढवा पोलिस ठाण्याच्या हद्दीतील येवलेवाडीत पोलिसांनी हुक्का साहित्याच्या गोदामावर छापा टाकून २२ लाख रुपयांचा मुद्देमाल जप्त केला. या कारवाईत तिघांना अटक करण्यात आली आहे. शहजाद अश्रफ रंगूनवाला (वय ३७), नावेद मुन्नेखान (वय २१), शफीक महंमद मालापुरी (वय १८, सर्व रा. लेक डिस्ट्रिक्ट सोसायटी, येवलेवाडी) अशी अटक केलेल्यांची नावे आहेत.

कोंढवा पोलिसांनी दिलेल्या माहितीनुसार, राज्य सरकारने हुक्का पार्लर तसेच हुक्का साहित्याच्या विक्रीवर बंदी घातली आहे. त्यानंतरही येवलेवाडी येथे एका सोसायटीत तळमजल्यावरील गोदामात हुक्क्याचे साहित्य आणि सुगंधी तंबाखूचा साठा केल्याची माहिती पोलिस नाईक तुषार आल्हाट यांना मिळाली. त्यानुसार पोलिसांनी छापा मारून कारवाई केली. या कारवाईत हुक्का ओढण्यासाठी लागणारे साहित्य, सुगंधी तंबाखू असा २२ लाख १७ हजार रुपयांचा मुद्देमाल जप्त करण्यात आला. वरिष्ठ निरीक्षक सरदार पाटील, गुन्हे शाखेतील निरीक्षक जगन्नाथ जानकर यांच्या मार्गदर्शनाखाली उपनिरीक्षक स्वप्नील पाटील, हवालदार रमेश गरूड, ज्योतीबा पवार, तुषार आल्हाट, नीलेश देसाई, गोरखनाथ चिनके, सतीश चव्हाण आणि लक्ष्मण होळकर आदींनी कारवाई केली.

‘अफिम’च्या बोंड्याची विक्री

राजस्थानमधून आणलेला ‘अफिम’च्या बोंड्याचा चुरा विक्री करणाऱ्या तिघांना अमली पदार्थविरोधी पथकाने अटक केली. त्यांच्याकडून २४ हजार रुपयांचे अमली पदार्थ जप्त करण्यात आले. शिशुपाल रत्नाराम राव (वय ३८), धर्माराम किसनाराम राव (वय २८) साईराम सियाक (वय ३९, सर्व रा. मुंढवा, मूळ जोधपूर) यांना अटक केली आहे. अमली पदार्थविरोधी पथक दोनचे निरीक्षक प्रकाश खांडेकर पथकासह चंदननगर आणि मुंढवा परिसरात गस्त घालत होते. खराडीतील पठारे वस्तीवर शिशुपाल राव ‘अफिम’च्या बोंडांची विक्री करीत असल्याची माहिती मिळाली. त्यानुसार पथकाने शनिवारी त्याला ताब्यात घेतले. त्याच्याकडून एक किलो १७ ग्रॅम ‘अफिम’चा चुरा जप्त केला. त्यानंतर मुंढवा परिसरातील धायरकरवाडा येथून धर्माराज राव आणि साईराम सियाक यांना ताब्यात घेतले. तिघांकडून मिळून २४ हजार रुपयांचा अमली पदार्थ जप्त केला. आरोपी राजस्थान, मध्य प्रदेशातून ‘अफिम’च्या बोंड्याचा चुरा घेऊन शहरात विक्री करीत होते.



Source link

Latest articles

Related articles

Leave a reply

Please enter your comment!
Please enter your name here