Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

तरुणाच्या आत्महत्येप्रकरणी दोघांवर गुन्हा

Array


म. टा. प्रतिनिधी, पिंपरी

‘पैसे देऊन वैशालीचे प्रकरण मिटव,’ असे म्हणून दोघांनी एका तरुणाला धमक्या दिल्या. या त्रासाला कंटाळून तरुणाने चिठ्ठी लिहून आत्महत्या केली. ही घटना शनिवारी (१३ नोव्हेंबर) पहाटे पावणेचार वाजता मोरे वस्ती, चिखली येथे घडली.

पंडितराव गणपती चौरे (वय २८) असे आत्महत्या केलेल्या तरुणाचे नाव आहे. या प्रकरणी गणपती रामभाऊ चौरे (वय ६५, रा. जीवाची वाडी, ता. केज, जि. बीड) यांनी चिखली पोलिस ठाण्यात फिर्याद दिली आहे. त्यानुसार कल्याण चन्ने, राजेंद्र तांदळे यांच्या विरोधात गुन्हा दाखल करण्यात आला आहे.

फिर्यादी यांचा मुलगा मोरे वस्ती चिखली येथे भाड्याने राहत होता. आरोपींनी त्याला पैसे देऊन बाई वैशालीचे प्रकरण मिटव, नाही तर तुला बघून घेईन, अशा धमक्या दिल्या. आरोपींच्या या त्रासाला कंटाळून पंडितराव चौरे याने राहत्या घरात आत्महत्या केली. पंडितराव याने आत्महत्येपूर्वी चिठ्ठी लिहिली आहे. त्यामध्ये दोन्ही आरोपींची नावे आहेत. त्यांच्या त्रासाला कंटाळून आपण आत्महत्या करीत असल्याचे पंडितराव याने चिट्ठीत म्हटले आहे. चिखली पोलिस तपास करीत आहेत.

.

महिलेने मागितली ५४ लाखांची खंडणी

म. टा. प्रतिनिधी, पिंपरी

मुंबई येथील हॉटेल व्यावसायिकाकडे एका महिलेने ५४ लाखांची खंडणी मागितली. या प्रकरणी व्यावसायिकाने रविवारी (१४ नोव्हेंबर) पिंपरी पोलिस ठाण्यात फिर्याद दिली आहे. मात्र, हा प्रकार मुंबई येथे घडला असल्याने हा गुन्हा मुंबई शहर येथील खार पोलिस ठाण्यात वर्ग करण्यात आला आहे.

अनुराग सर्वजीत भटनागर (वय ५६, रा. मुंबई) यांनी फिर्याद दिली असून एका महिलेच्या विरोधात गुन्हा दाखल करण्यात आला आहे.

भटनागर हॉटेल व्यावसायिक आहेत. त्यांची आणि आरोपी महिलेची कामानिमित्त ओळख झाली. त्यानंतर महिलेने वेळोवेळी फिर्यादी यांना ई-मेल, मेसेज, व्हॉट्सअॅप मेसेजद्वारे संपर्क केला. भटनागर यांच्या हॉटेलमार्फत ५४ लाख रुपयांची खंडणी मागितली. दर वर्षी सहा कार्यक्रम आणि प्रत्येक कार्यक्रमासाठी तीन लाख रुपये असे सलग तीन वर्षे कार्यक्रम आयोजित करण्याची महिलेने मागणी केली. काम अथवा पैसे न दिल्यास फिर्यादी आणि त्यांच्या हॉटेल ग्रुपची बदनामी करण्याची महिलेने धमकी दिली; तसेच तिने ताज हॉटेल आणि फिर्यादी यांच्या हॉटेल ग्रुपचे डायरेक्टर यांना फिर्यादी यांच्याविषयी खोटे सांगून बदनामी केली असल्याचे फिर्यादीत म्हटले आहे. या प्रकरणी गुन्हा दाखल करण्यात आला आहे. हा संपूर्ण प्रकार मुंबई येथे घडला असल्याने पिंपरी येथे गुन्हा दाखल करून पुढील तपासासाठी मुंबई शहर येथील खार पोलिस ठाण्यात वर्ग करण्यात आला आहे.

.

आईसह दोघांवर गुन्हा दाखल

म. टा. प्रतिनिधी, पिंपरी

एका ३५ वर्षीय व्यक्तीसोबत संबंध ठेवण्यासाठी आईने तिच्या १५ वर्षीय मुलीला धमकी दिली; तसेच ३५ वर्षीय व्यक्तीने अल्पवयीन मुलीसोबत गैरवर्तन करून तिला मारहाण करून तिचा विनयभंग केला. या प्रकरणी आईसह दोघांच्या विरोधात गुन्हा दाखल करण्यात आला आहे. हा प्रकार ऑक्टोबर ते ११ नोव्हेंबर या कालावधीत चाकण परिसरात घडला.

या प्रकरणी पीडित १५ वर्षीय मुलीने चाकण पोलिस ठाण्यात फिर्याद दिली आहे. त्यानुसार लालमिया अली (वय ३५) आणि पीडित मुलीच्या आईच्या विरोधात गुन्हा दाखल करण्यात आला आहे. चाकण पोलिस तपास करीत आहेत.

.

चऱ्होलीत दोन घरफोड्या

नऊ लाखांचे दागिने, रोकड चोरीला

म. टा. प्रतिनिधी, पिंपरी

चऱ्होली परिसरात एकाच रात्री दोन घरफोड्या झाल्या. यामध्ये चोरट्यांनी नऊ लाख १५ हजारांचे दागिने आणि रोख रक्कम चोरून नेली. या प्रकरणी रविवारी (१४ नोव्हेंबर) दिघी पोलिस ठाण्यात गुन्हा दाखल करण्यात आला आहे.

योगेश नामदेव दरेकर (वय ३०, रा. चऱ्होली, पुणे) यांनी दिघी पोलिस ठाण्यात फिर्याद दिली आहे. त्यानुसार अज्ञात चोरट्याच्या विरोधात गुन्हा दाखल करण्यात आला आहे.

फिर्यादी यांचे घर शनिवारी (१३ नोव्हेंबर) रात्री साडेअकरा ते रविवारी (१४ नोव्हेंबर) दुपारी बारा वाजताच्या कालावधीत कुलूप लावून बंद होते. त्या कालावधीत अज्ञात चोरट्याने घराचे लॉक तोडून घरात प्रवेश केला. घरातील कपाटातून आठ लाख ३५ हजार ९५ रुपयांचे सोन्याचे दागिने आणि रोख रक्कम चोरली. फिर्यादी यांच्या घराशेजारी राहणारे अभिजित सुरेश कांबळे यांच्या घराचे कुलूप तोडून घरात प्रवेश करून चोरट्यांनी ८० हजार १०० रुपयांचे सोन्याचांदीचे दागिने चोरून नेले. दोन्ही घरफोड्यांमध्ये चोरट्यांनी नऊ लाख १५ हजार १९५ रुपयांचा ऐवज चोरून नेला. दिघी पोलिस तपास करीत आहेत.

.

दुचाकीस्वारास लुटले

म. टा. प्रतिनिधी, पिंपरी

बहिणीला भेटून दुचाकीवरून घरी निघालेल्या तरुणाला रस्त्यात अडवून एका टोळक्याने कोयत्याने मारहाण करीत लुटले. हा प्रकार शनिवारी (१३ नोव्हेंबर) रात्री साडेअकरा वाजता ओटास्कीम निगडी येथे घडला.

मुकुंद अशोक भंडारी (वय २८, रा. हडपसर, पुणे) यांनी या प्रकरणी निगडी पोलिस ठाण्यात फिर्याद दिली आहे. त्यानुसार धुनगाव, भाव्या बाविसकर (दोघे रा. ओटास्कीम, निगडी) आणि त्यांच्या साथीदारांच्या विरोधात जबरी चोरीचा गुन्हा दाखल करण्यात आला आहे.

शनिवारी रात्री साडेअकरा वाजताच्या सुमारास फिर्यादी त्यांच्या बहिणीला भेटून परत हडपसर येथे दुचाकीवरून घरी जात होते. ते ओटा स्किम येथे चिकन चौकाजवळ आले असता आरोपींनी फिर्यादी यांना अडवले. फिर्यादी यांना शिवीगाळ व दमदाटी करून पैशांची मागणी केली. फिर्यादी यांनी पैसे देण्यास नकार दिला असता धुनगाव याने कोयत्याने मारहाण करून फिर्यादी यांना जखमी केले. अन्य आरोपींनी देखील शिवीगाळ करून मारहाण केली. भाव्या याने दगडाने मारून फिर्यादी यांच्या खिशातून जबरदस्तीने २३ हजार ७४० रुपये काढून घेतले. निगडी पोलिस तपास करीत आहेत.

.

वृद्धाला मारहाण; दोघांवर गुन्हा दाखल

म. टा. प्रतिनिधी, पिंपरी

शेतात काम करीत असताना भावकीतील दोघे जण आले. त्यांनी काम करीत असलेल्या वृद्धाला मारहाण केली. वृद्धांच्या पत्नीला आणि मुलीला शिवीगाळ केली; तसेच ज्वारी पिकाचे नुकसान केले. हा प्रकार शनिवारी (१३ नोव्हेंबर) सकाळी कुरुळी येथे घडला.

संभाजी सोपान मुऱ्हे (वय ६०, रा. बादल वस्ती, कुरुळी) यांनी चाकण पोलिस ठाण्यात फिर्याद दिली. त्यानुसार किसन धर्माजी मुऱ्हे, दिनेश प्रकाश कालेकर (रा. कुरुळी) यांच्या विरोधात गुन्हा दाखल करण्यात आला आहे. चाकण पोलिस तपास करीत आहेत.



Source link

Latest articles

Related articles

Leave a reply

Please enter your comment!
Please enter your name here