Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

पुणेकर तरुणाई गांजाच्या विळख्यात

Array



: गेल्या काही दिवसांत विरोधी पथकाने केलेल्या कारवाईवरून शहरात गांजाची नशा वाढत असल्याचे चित्र आहे. कमी किंमत, सहज उपलब्धता आणि अन्य अमली पदार्थांच्या तुलनेत शरीरासाठी कमी अपायकारक यामुळे झोपडपट्टीतील कामगारांपासून ते आयटी इंजिनीअरपर्यंत सर्वांनाच गांजाचा चस्का लागला आहे. गांजाची नशा करण्यात उच्चशिक्षितही मागे नसल्याचे दिसून आले आहे. पुण्यासह आजूबाजूच्या परिसरात गांजाची मागणी वाढत असल्याने अमली पदार्थ विरोधी पथकाने गांजा विक्रेत्यांभोवती कारवाईचा फास आवळण्यास सुरुवात केली आहे.

शहर आणि परिसरांत सुरू असणाऱ्या विविध प्रकल्पांमुळे बांधकाम कामगार वर्गाचा मोठा राबता आहे. प्रामुख्याने या वर्गाकडून नशेसाठी गांजा, अफू आदी तुलनेने स्वस्त आणि सहज उपलब्ध होणाऱ्या अमली पदार्थांचा वापर केला जातो. बड्या कंपन्यांमध्ये मोठ्या हुद्द्यावर कार्यरत कर्मचाऱ्यांकडेही पैसा खुळखुळत असल्याने त्यांच्याकडून ब्राउन शुगर, कोकेन, एमडी, केटामाइन आदी अमली पदार्थांना पसंती दिली जाते. श्रीमंत नशेबाजांकडून सर्वांत महाग असणाऱ्या ‘एलएसडी स्टॅम्प’लाही प्राधान्य दिले जाते. मात्र, या सर्व अमली पदार्थांचा शरीरावर थेट आणि विपरित परिणाम होत असल्याचे लक्षात आल्याने आणि उच्चशिक्षित तरुणांकडून गांजाचा वापर वाढला आहे. त्यामुळे गांजाला मागणी वाढत असल्याचे निरीक्षण पोलिस दलातील वरिष्ठ अधिकाऱ्यांनी नोंदविले आहे.

नशा करण्यासाठी आवश्यक अन्य अमली पदार्थांची किंमत खूपच जास्त आहे. तसेच, ते सहजासहजी मिळतही नाहीत. त्या तुलनेत गांजा सहज आणि कमी किमतीत उपलब्ध होतो. शहर आणि परिसरातील अनेक ठिकाणी ५० ते १०० रुपयांपासून गांजाच्या पुड्या सहज उपलब्ध होतात. एका पुडीमध्ये साधारणत: पाच ते दहा ग्रॅम गांजा असतो. पुण्यात काही विशिष्ट ठिकाणी थांबून आणि शहरभर फिरूनही विक्री केली जाते. तसेच, काही पानटपरी चालकही गांजाच्या पुड्यांची बिनदिक्कत विक्री करतात. त्यामुळे शहरात थेट गांजा घेऊन येणाऱ्यांवर अंमली पदार्थ विरोधी पथकाने आता लक्ष केंद्रीत केले आहे. काही दिवसांपूर्वी ग्रामीण भागात गांजाची शेती करणाऱ्या माय-लेकरांना अटक करण्यात आली होती. ही मायलेकरांची जोडी शहरातील ग्राहकांना गांजा पुरवत असल्याचे निष्पन्न झाले आहे.

नक्षलग्रस्त भागातून येतो गांजा

पुण्यासह राज्याच्या विविध भागांत विक्रीसाठी येणारा गांजा प्रामुख्याने आंध्र प्रदेश, कर्नाटक, मध्य प्रदेश आणि ओडिशा या नक्षलग्रस्त भागातून येत असल्याचे पोलिसांच्या तपासात समोर आले आहे. पुण्यासह मुंबई आणि गोव्यातही गांजाची मागणी वाढत आहे. कर्नाटक आणि आंध्र प्रदेशातून येणारा गांजा पुण्यामार्गेच गोवा आणि मुंबईला जात असल्याचेही आढळून आले आहे. काही वेळा गांजाची वाहतूक करणारी वाहनेच पुणे पोलिसांनी पकडली आहेत.

पार्टीमध्ये वाढतोय गांजाचा वापर

पूर्वी गांजाची नशा केवळ कामगारांकडूनच केली जात होती. मात्र, हल्ली उच्चभ्रू आणि उच्चशिक्षित वर्गांमध्येही गांजाची क्रेझ वाढल्याचे दिसून आले आहे. प्रामुख्याने आयटीयन आणि मोठ्या हुद्यावर काम करणाऱ्या तरुणीही गांजाची नशा करीत असल्याचे दिसून आले आहे. मित्र-मैत्रिणींच्या होणाऱ्या पार्ट्यांमध्ये खास करून गांजाची नशा करण्याचे प्रमाण वाढत आहे. अशा पार्ट्या आणि विक्रेत्यांवरही पोलिसांनी लक्ष केंद्रीत केले आहे.

अमली पदार्थ विरोधी विभागाच्या दोन्ही पथकांकडून गांजाविक्री करणाऱ्यांवर कारवाई करण्यात येत आहे. शहरात अन्य अमली पदार्थांच्या तुलनेत गांजाविक्रीचे प्रमाण वाढले आहे. ग्रामीण भागात गांजा शेती करणाऱ्या मायलेकरांना नुकतीच अटक करण्यात आली आहे.

– विनायक गायकवाड, वरिष्ठ पोलिस निरीक्षक

अमली पदार्थ विक्रीचे गुन्हे

वर्ष गुन्हे अटक आरोपी

२०१९ ७७ ९२

२०२० ११३ १४२

२०२१ ५३ ८३

(ऑक्टोबरपर्यंत)

एकूण २४६ ३१७



Source link

Latest articles

Related articles

Leave a reply

Please enter your comment!
Please enter your name here