Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

चोरीच्या दोन घटनांमध्ये ऐवज लंपास

Array


म. टा. प्रतिनिधी, पुणे

अपंग व्यक्ती घरात असताना तीन व्यक्तींनी घरात घुसून ९९ हजार रुपयांचा ऐवज चोरून नेला. शिवाजीनगर परिसरात हा प्रकार घडला आहे. या प्रकरणी चतुःश्रृंगी पोलिस ठाण्यात चोरीचा गुन्हा दाखल करण्यात आला आहे.

याबाबत औंध येथील ५८ वर्षीय व्यक्तीने तक्रार दिली आहे. त्यानुसार दोन पुरुष व एका महिलेवर गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार यांचे मेव्हणे अपंग असून, ते शिवाजीनगर परिसरात राहतात. १२ नोव्हेंबर रोजी रात्री साडेसातच्या सुमारास दोन पुरुष व एका महिलेने घराची बेल वाजविली. दरवाजा उघडल्यानंतर अपंग व्यक्तीला धक्का देऊन आरोपी आत शिरले. घरातील रोख साडेचार हजार, मोबाइल, चांदीची भांडी, डेबिट कार्ड, पॅनकार्ड व इतर महत्त्वाची कागदपत्रांची चोरी केली. या प्रकरणी चतुःश्रुंगी पोलिस ठाण्याचे उपनिरीक्षक महेश भोसले तपास करत आहेत.

लोणी काळभोर परिसरात कदमवाक वस्ती येथे बंद फ्लॅटमधून साडेचार लाख रुपयांचा मुद्देमाल चोरून नेल्याचा प्रकार समोर आला आहे. या प्रकरणी लोणी काळभोर पोलिस ठाण्यात गुन्हा दाखल करण्यात आला आहे. याबाबत पाडुरंग मराठे (वय ५२, रा. कदमवाक वस्ती, ता. हवेली) यांनी तक्रार दिली आहे. मराठे कामाच्या निमित्ताने शनिवारी दुपारी चारच्या सुमारास बाहेर गेले होते. जाताना त्यांनी फ्लॅटची चावी खिडकीत ठेवली होती. अज्ञात चोरट्याने खिडकीतील चावी घेऊन फ्लॅट उघडला. त्यानंतर फ्लॅटमधील ३५ हजार रुपये रोख व सोन्याचे दागिने असा चार लाख ४० हजार रुपयांचा ऐवज चोरून नेला. या प्रकरणी लोणी काळभोर पोलिस तपास करत आहेत.



Source link

Latest articles

Related articles

Leave a reply

Please enter your comment!
Please enter your name here