Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

पुणे: महिलेची हातचलाखी; ज्वेलर्सच्या दुकानातून हातोहात लांबवले सोन्याचे ब्रेसलेट, CCTV मध्ये घटना कैद

Array



पुणे: ज्वेलर्सच्या दुकानात ग्राहक बनून आलेल्या एका महिलेची हातचलाखी सीसीटीव्ही कॅमेऱ्याने पकडली. ज्वेलर्समधील कामगाराचे लक्ष विचलित करून महिलेने दुकानातील सोन्याचे ब्रेसलेट लांबवले. सीसीटीव्ही फुटेज तपासल्यानंतर महिलेचा प्रताप उघडकीस आला आहे. पुण्यातील आळंदी रोड येथील येथील एका ज्वेलर्सच्या दुकानात महिलेने चोरी केल्याचे उघडकीस आले आहे. या प्रकरणी पोलिसांनी आरोपी महिलेविरोधात गुन्हा दाखल केला आहे.

भोसरी येथे ज्वेलर्सचे दुकान आहे. या दुकानात ग्राहक बनून आलेल्या एका महिलेने कामगाराला बोलण्यात गुंतवून तेथील सोन्याचे ब्रेसलेट लांबवले. साडेसव्वीस हजार रुपये किंमतीचे ब्रेसलेट चोरून ती पसार झाली. शुक्रवारी (ता.१२ ) ही घटना उघडकीस आली. या प्रकरणी विरेंद्र मेहता यांनी भोसरी पोलीस ठाण्यात तक्रार दाखल केली. त्यावरून एका महिलेविरोधात गुन्हा दाखल केला आहे.

मिळालेल्या माहितीनुसार, मेहता हे त्यांच्या ज्वेलर्सच्या दुकानातील उर्वरित दागिने दररोज रात्री तपासतात. दिवसभरात किती दागिने विकले गेले, किती शिल्लक आहेत, याबाबतची माहिती घेत असतात. १२ नोव्हेंबरलाही रात्री त्यांनी नेहमीप्रमाणे दुकानातील शिल्लक दागिन्यांची माहिती घेतली. मात्र, एक सोन्याचे ब्रेसलेट नसल्याचे त्यांना आढळले. काउंटरवर काम करणाऱ्या कामगाराच्या स्टॉकमध्ये ते कमी आढळले. मेहता यांनी ताबडतोब दिवसभरातील सीसीटीव्ही फुटेज तपासले. त्यावेळी संध्याकाळी सव्वापाच ते पावणे सहा वाजताच्या दरम्यान, एक महिला काउंटरवर आली होती. साडेसव्वीस हजार रुपये किंमतीचे ब्रेसलेट चोरताना ती महिला दिसून आली.

याबाबत मेहता यांनी भोसरी पोलीस ठाण्यात तक्रार दाखल केली. या महिलेविरोधात पोलिसांनी गुन्हा दाखल केला असून, तिचा शोध घेतला जात आहे.



Source link

Latest articles

Related articles

Leave a reply

Please enter your comment!
Please enter your name here