Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

बोगस भरतीच्या चौकशीचे आदेश

Array


म. टा. प्रतिनिधी, पुणे

पुणे महापालिकेत नव्याने समाविष्ट २३ गावातील ग्रामपंचायत भरती प्रकरणाच्या थांबलेल्या चौकशीला पुन्हा वेग येणार आहे. बदली होऊन गेलेल्या उपमुख्य कार्यकारी पदावरील अधिकाऱ्यालाच पुन्हा चौकशी पूर्ण करून तातडीने अहवाल देण्याचे आदेश राज्य सरकारने दिले आहेत. त्यामुळे अनेकांचे धाबे दणालले आहेत.

पुणे महापालिकेत समाविष्ट २३ गावांतील ग्रामपंचायतींमध्ये बोगस भरती झाल्याचे प्रकरण समोर आले आहे. या प्रकरणाची चौकशी अंतिम टप्यात आली असून, चौकशी समितीचे अध्यक्षपद जिल्हा परिषदेच्या महिला आणि बाल कल्याण विभागाचे उपमुख्य कार्यकारी अधिकारी दत्तात्रय मुंडे यांच्याकडे होते. त्यांची नुकतीच बदली झाली. त्यामुळे प्राथमिक चौकशी थांबली, असा अनेकांचा समज झाला होता. मात्र, ही चौकशी पुन्हा सुरू झाली असून, चौकशीची जबाबदारी पुन्हा मुंडे यांच्याकडे सोपविण्यात आली आहे. समितीकडून तक्रार अर्ज मागविण्यात आले होते. त्यानुसार १७ जणांनी अर्ज दाखल केले. त्यानुसार समितीने तत्काळ नोटीस बजावून संबंधितांचे जबाब नोंदवून घेतले आणि चार ते पाच जणांना नोटिसा देण्याची प्रक्रियाही अवलंबली. त्यानंतर चौकशी अंतिम टप्प्यात असताना समितीच्या अध्यक्षांची बदली झाली. त्या वेळी या प्रकरणात आपली खैर नाही, अशी भीती वाटणाऱ्या अनेकांनी सुटकेचा निःश्वास टाकला. काहींनी आपल्या मर्जीतील अधिकारी असावा, यासाठी प्रयत्नही सुरू केले. मात्र, आता पुन्हा त्याच अधिकाऱ्याकडे चौकशीची जबाबदारी आल्याने अनेकांच्या पोटात खड्डा पडला आहे.

सध्या मुंडे ग्रामविकास विभागाशी संलग्न नाहीत. त्यामुळे त्यांच्याकडे चौकशी देण्यात आली आहे. मुंडे यांनी ही चौकशी पूर्ण करून तत्काळ अहवाल सादर करण्याचे आदेश सरकारने दिल्याचे सूत्रांनी सांगितले.

बोगस भरती प्रकरणात अनियमितता आढळली असून, या प्रकरणाची चौकशी पूर्ण केली जाणार आहे. बदली झालेल्या अधिकाऱ्याकडून पुन्हा चौकशी करण्याशिवाय पर्याय नाही. दुसऱ्या अधिकाऱ्याला नियुक्त केल्यास चौकशीला विलंब लागू शकतो.

– आयुष प्रसाद, मुख्य कार्यकारी अधिकारी, पुणे जिल्हा परिषद



Source link

Latest articles

Related articles

Leave a reply

Please enter your comment!
Please enter your name here