Google search engine

Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356
Homeडॉक्टरांवरील कारवाईचा 'आयएमए'तर्फे निषेध
Array

डॉक्टरांवरील कारवाईचा ‘आयएमए’तर्फे निषेध


म. टा. प्रतिनिधी, पुणे

नगर जिल्ह्यातील रुग्णालयातील आगप्रकरणी डॉक्टरांसह परिचारिकांवर राज्य सरकारने केलेल्या कारवाईचा ‘इंडियन मेडिकल असोसिएशन’ने (आयएमए) विरोध दर्शविला आहे. डॉक्टर, परिचारिका उपचारांसाठी जबाबदार असताना त्यांना रुग्णालयातील अन्य सुविधा आणि सदोष यंत्रणेसाठी कसे जबाबदार कसे धरले जाते, असा सवालही ‘आयएमए’ने सरकारला विचारला आहे.

नगर जिल्ह्यातील रुग्णालयातील आगप्रकरणी जिल्हा शल्यचिकित्सकांसह परिचारिकांना निलंबित करण्याची सरकारने कारवाई केली. त्या कारवाईच्या पद्धतीचा ‘आयएमए’ने निषेध नोंदविला आहे. या पार्श्वभूमीवर ‘आयएमए’ने काही प्रश्न उपस्थित करून सरकाला जाब विचारला आहे. राज्यातील सर्व सरकारी, निमशासकीय कार्यालयांसह दवाखाने, रुग्णालयांची गेल्या काही वर्षांत ‘फायर फायटिंग’चे ऑडिट झाले आहे का, त्यात काही त्रुटी आढळल्या का, त्यांची पूर्तता करण्यात आली आहे का, खासगी रुग्णालयास दर सहा महिन्यांनी अधिकृत संस्थांकडून ‘ना हरकत’ प्रमाणपत्र घेऊन स्थानिक स्वराज्य संस्थांमध्ये देणे बंधनकारक आहे. तोच नियम सरकारी रुग्णालये आणि दवाखाने यांना का नाही असा सवालही ‘आयएमए’ने उपस्थित केला आहे.

प्रशासकीय त्रुटी, हेळसांड आणि निष्काळजीपणामुळे झालेल्या अपघाताला डॉक्टरांना जबाबदार धरले गेल्यास आधीच सरकारी नोकरीत येण्यास तयार नसलेल्या डॉक्टरांची संख्या कमी होत जाईल, असे सरकारला वाटत नाही का, हजार रिक्त पदे, आधुनिक यंत्रसामग्रीचा अभाव, मनुष्यबळ आणि इतर अनेक सुविधांचा अभाव अशा प्रतिकूल परिस्थितीत बदल करण्याचेही ‘आयएमए’ने सूचित केले आहे. खासगी रुग्णालयांना लागू असलेले नियम सरकारी रुग्णालयांना का लागू नाहीत, असाही सवाल उपस्थित करण्यात आला आहे.



Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments