Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

रिंग रोड मोजणीचे १८ टक्के काम पूर्ण

Array


म. टा. प्रतिनिधी, पुणे

पुण्यालगतच्या प्रस्तावित पश्चिम भागातील रिंग रोडच्या जमिनीच्या मोजणीचे ९० टक्के काम पूर्ण झाले असून, पूर्व भागातील १८ टक्के जमिनींची (१०० हेक्टर) मोजणी पूर्ण झाली आहे. सध्या पश्चिम भागातील जमिनींच्या मूल्यांकनाची प्रक्रिया सुरू असून, डिसेंबरपासून जमीनमालकांना पैसे देण्यात येणार आहेत.

शहरातील वाढती वाहतूक कोंडी दूर करण्यासाठी रिंग रोड प्रस्तावित करण्यात आला आहे. या प्रस्तावानुसार शहराच्या पूर्व आणि पश्चिम भागातून रिंग रोड जाणार आहे. शहराच्या भोवती १७३.७२ किलोमीटर लांबीचा रिंग रोड उभारण्यात येणार आहे. त्यासाठी २६ हजार ८१८ कोटी रुपयांचा खर्च अपेक्षित आहे. या खर्चाला नुकतीच राज्य सरकारने मान्यता दिली. त्यामुळे रिंग रोडच्या कामाला वेग आला आहे.

भूसंपादनाची प्रक्रिया सुरू करण्यापूर्वी मोजणी हाती घेण्यात आली आहे. पश्चिम भागातील रिंग रोड ३७ गावांमधून (६८.८० किलोमीटर) आणि पूर्व भागातील रिंग रोड ४३ गावांमधून (सुमारे १०४.९२ किलोमीटर) जात आहे. पश्चिम भागातील प्रत्यक्ष मोजणीला १५ जुलैपासून सुरुवात झाली होती. रिंग रोडसाठी सध्या पूर्व भागातील ४३पैकी आठ ते नऊ गावांची मोजणी पूर्ण झाली आहे. त्यामध्ये पुरंदर तालुक्यातील गराडे, सोनोरी, खेडमधील चिंबळी, हवेली तालुक्यातील तुळापूर, पेरणे, गावडेवाडी आणि मावळ तालुक्यातील उर्से या गावांची मोजणी पूर्ण झाली आहे. मार्चपर्यंत पश्चिम भागातील गावांची मोजणी पूर्ण करण्याचे उद्दिष्ट निर्धारित करण्यात आले आहे.

पश्चिम भागातील ३४ गावांतील ६७४.१२ हेक्टर क्षेत्रापैकी ६०१.५३७ हेक्टर क्षेत्र संपादित करण्यात येणार आहे. पूर्व भागातील ४३ गावांपैकी ९ गावांतील १५० हेक्टर क्षेत्राची मोजणी झाली आहे.

पश्चिम भागातील ३७ गावांपैकी ३५ गावांची मोजणी पूर्ण झाली आहे. या गावांच्या जमिनीच्या मूल्यांकनाची प्रक्रिया जिल्हाधिकारी कार्यालयाकडून सुरू करण्यात आली आहे. डिसेंबर, जानेवारीत जमीनमालकांना जमिनीच्या मोबदल्याची रक्कम वाटप करण्यात येणार आहे.

– संदीप पाटील, उपविभागीय अधिकारी, रस्ते विकास महामंडळ

१७३.७२ किमी

रिंगरोडची एकूण लांबी

~ २६ हजार ८१८ कोटी

अपेक्षित खर्च

६८.८० किमी

पश्चिम रिंग रोड

१०४.९२ किमी

पूर्व रिंग रोड



Source link

Latest articles

Related articles

Leave a reply

Please enter your comment!
Please enter your name here