Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

बोनसवरून दोघांच्या खुनचा प्रयत्न

Array


म. टा. प्रतिनिधी, पुणे

पुण्यात दिवाळी बोनसवरून झालेल्या वादात दोघांना जीवे मारण्याचा प्रयत्न करण्यात आला. ऐन दिवाळीत दोन वेगवेगळ्या ठिकाणी या घटना घडल्या. एकीकडे बोनसचे पैसे पार्टीसाठी न दिल्याने वार करण्यात आले, तर दुसऱ्या घटनेत बोनसचे पैसे मागत असल्याच्या कारणावरून तिघांनी एकाच्या गळ्यावर वार केले.

येरवडा परिसरात दिवाळ‌ीचा मिळालेल्या बोनसपैकी आठ हजार रुपये पार्टीसाठी न दिल्याने सहा जणांच्या टोळक्याने नागेश कोपे (वय ३०) यांच्यावर तलवारीने वार केले. त्यात ते गंभीर जखमी झाले आहेत. पोलिसांनी या प्रकरणी चौघांना अटक केली आहे. स्वप्नील किसन भालेराव (वय २७), अश्पाक अब्दुल रज्जाक सय्यद उर्फ तौफिक (वय ३०), रोहित सुधाकर ब्रह्मराक्षे (वय २४), हुजेफ रिजवान शेख (वय २३) यांना अटक केली आहे, तर त्यांच्या दोन साथीदारांचा दोघांचा शोध सुरू आहे. या प्रकरणी येरवडा पोलिस ठाण्यात गुन्हा दाखल झाला आहे. शनिवारी पहाटे चार वाजण्याच्या सुमारास हा प्रकार घडला. तक्रारदार नागेश आणि आरोपी ओळखीचे आहेत. नागेश यांना दिवाळीचा बोनस मिळाला होता. आरोपींनी त्यातून आठ हजार रुपये पार्टीसाठी मागितले, मात्र नागेशने त्यास नकार दिला. त्यामुळे आरोपींनी तलवारीने वार करून त्यांना जीवे मारण्याचा प्रयत्न केला. अधिक तपास उपनिरीक्षक गाडे करीत आहेत.

दुसरा प्रकार हडपसर परिसरात घडला. सतत दिवाळीचा बोनस मागत असल्याने तिघांनी एकाच्या गळ्यावर आणि पाठीवर तीक्ष्ण शस्त्राने वार केले. या प्रकरणी हडपसर पोलिसांनी तपीन दिलीप विश्वकर्मा (वय १९), निरंजन चित्रनाथ योगी (वय २२), शेरबहाद्दूर उर्फ शेरे नवलसिंग विश्वकर्मा (वय २०) यांना अटक केली आहे. या घटनेत सिताराम खंडू शिंदे (वय ३५) जखमी झाला आहे. या प्रकरणी त्याचा भाऊ तुळशीराम याने तक्रार दिली आहे. ही घटना शनिवारी रात्री साडेदहा वाजण्याच्या सुमारास ग्लायडिंग सेंटर परिसरात घडली. आरोपी व सिताराम शिंदे हे ओळखीचे आहेत. आरोपी हे खासगी कंपनीत नोकरीस आहेत. त्यांना दिवाळीचा बोनस मिळाला होता. तो बोनस सिताराम शिंदे सतत मागत होता. त्यामुळे आरोपींनी चिडून त्याच्या गळ्यावर, पाठीवर व पोटावर तीक्ष्ण शस्त्राने वार करून जीवे मारण्याचा प्रयत्न केला, अशी माहिती पोलिसांनी दिली.

….



Source link

Latest articles

Related articles

Leave a reply

Please enter your comment!
Please enter your name here