Notice: Array to string conversion in /home/vmnews/domains/vartmanmaharashtra.in/public_html/wp-includes/shortcodes.php on line 356

फटाके वाजले तरी ध्वनिप्रदूषण घटले

Array


म. टा. प्रतिनिधी, पुणे

करोनाच्या प्रादुर्भावामुळे गेल्या वर्षी फटाके उडविण्याची राहिलेली कसर पुणेकरांनी यंदा भरून काढली आहे. असे असले तरी, गेल्या चार वर्षांच्या तुलनेत यंदा दिवाळीत फटाक्यांमुळे होणारे ध्वनिप्रदूषण घटल्याचा निष्कर्ष ‘महाराष्ट्र प्रदूषण नियंत्रण मंडळा’ने काढला आहे. यंदाही दिवाळीत केवळ लक्ष्मीपूजनालाच सर्वाधिक फटाके वाजले असून, इतर दिवशी आवाजाच्या पातळीत वाढ न झाल्याचे निरीक्षण आहे.

शहरातील सर्वाधिक आवाजाची नोंद लक्ष्मी रस्ता, मंडई, सारसबाग आणि सातारा रस्ता परिसरात झाली. पाडवा आणि भाऊबीजेच्या दिवशी ध्वनिप्रदूषणाचे प्रमाण कमी होते. ‘महाराष्ट्र प्रदूषण नियंत्रण मंडळा’तर्फे दिवाळीपूर्वी, दिवाळीत आणि दिवाळीनंतर अशा तीन टप्प्यांत शहराच्या विविध भागांत सकाळी आणि रात्री ध्वनीची पातळी नोंदविण्यात आली.

गेल्या वर्षी करोनाचे सावट असल्याने फटाके उडविण्यावर प्रशासनाने बंदी घातली होती. तरीही पुणेकरांनी फटाके उडवले. त्यामुळे वायू आणि ध्वनिप्रदूषण वाढल्याचे दिसून आले. यंदा ‘महाराष्ट्र प्रदूषण नियंत्रण मंडळा’ने पुणे, पिंपरी-चिंचवड आणि सोलापूर अशा अकरा ठिकाणी २९ ऑक्टोबर, ४ आणि ६ नोव्हेंबर या दिवशी ध्वनिप्रदूषणाच्या सकाळ आणि संध्याकाळच्या नोंदी घेऊन तौलनिक अभ्यास केला. यात शहराच्या बहुतांश भागात लक्ष्मीपूजनाच्या सायंकाळी फटाक्यांच्या आवाजाच्या पातळीत लक्षणीय वाढ झाल्याचे नोंदविण्यात आले. गेल्या वर्षीच्या आवाज वाढल्याचेही दिसून आले.

फटाक्यांमुळे होणाऱ्या प्रदूषणाबाबत वाढणारी जागृती, फटाके वाजविण्याच्या वेळांवर घातलेली बंधने आणि फटाक्यांच्या वाढलेल्या किमतींमुळे गेल्या काही वर्षांत फटाके वाजवण्याचे प्रमाण घटले आहे. काही वर्षांपूर्वी पुण्यात दिवाळीतील आवाजाचे आकडे शंभर डेसिबलच्या पुढे गेले होते. मात्र, ते हल्ली ८० डेसिबलपर्यंत खाली आले आहेत. ही सकारात्मक बाब असल्याचे ‘महाराष्ट्र प्रदूषण नियंत्रण मंडळा’च्या अधिकाऱ्यांनी सांगितले.

शहरातील ‘आव्वाज’

मोजलेली ध्वनिपातळी (कमाल आवाज डेसिबलमध्ये)

२९ ऑक्टोबर ४ नोव्हेंबर (लक्ष्मीपूजन) ६ नोव्हेंबर (भाऊबीज)

दिवसा (सकाळी ६ ते रात्री १०) ७४.९ ८३ ८२.७

रात्री (रात्री १० ते सकाळी सहा) ६४.३ ७४.७ ६७.३

लक्ष्मी पूजनादिवशी फटाक्यांचा आवाज

सायंकाळी ६ ते १० (डेसिबलमध्ये)

ठिकाण सरासरी पातळी

डांगे चौक ८५.२

चिंचवड ८४.७

लक्ष्मी रस्ता ८३.६

पिंपरी ८१.७

विद्यापीठ चौक ८०.१

सारसबाग-सातारा रस्ता ७९.१

औंध ७६.५

फटाक्यांचा आवाज ‘बसतोय’

वर्ष लक्ष्मी पूजनाचा आवाज (डेसिबल)

२०१८ ८१.३

२०१९ ८०

२०२० ७६.१

२०२१ ७५.३

(टीप : ‘महाराष्ट्र प्रदूषण नियंत्रण मंडळा’ने निश्चित केलेल्या मानकांनुसार सकाळी ६ ते रात्री दहा या वेळेत ६५ डेसिबल आणि आणि रात्री दहा ते सकाळी सहा या वेळेत ५५ डेसिबल आवाजाची मर्यादा निश्चित करण्यात आली आहे.)

गेल्या वर्षी फटाक्यांना बंदी होती, तरीही फटाके वाजले. त्या तुलनेत यंदा फटाक्यांचे प्रमाण आणि आवाज वाढला आहे. मात्र, ही वाढ लक्षणीय नाही. मुख्यत: लक्ष्मीपूजनाच्या दिवशी आवाजाच्या पातळीत अधिक वाढ दिसली आहे. गेल्या चार ते पाच वर्षांत फटाक्यांमुळे होणाऱ्या ध्वनिप्रदूषणात घट झाल्याचे दिसून येत आहे.

– प्रताप जगताप,

उप प्रादेशिक अधिकारी, महाराष्ट्र प्रदूषण नियंत्रण मंडळ, पुणे



Source link

Latest articles

Related articles

Leave a reply

Please enter your comment!
Please enter your name here